摘要：現年59歲嘅天王郭富城，喺2017年迎娶細佢22歲嘅內地網紅方媛。
現年59歲嘅天王郭富城，喺2017年迎娶細佢22歲嘅內地網紅方媛。 二人婚後育有二女，組成幸福四口之家。 
雖然佢哋一向行事低調，但近日就難得高調放閃—— 一齊走過七年之癢，共同慶祝結婚八周年。 
4月19日凌晨，郭富城開設新嘅社交平台帳號，第一篇貼文就係向老婆方媛告白示愛。 佢曬出一張兩公婆貼頭嘅甜蜜合照，並寫上： 「親愛的老婆，時間為証，愛如初見。結婚八周年快樂。」 
相中見到方媛手捧一大束鮮花，笑容甜到漏，二人一齊做出「8周年」嘅手勢。 方媛亦都毫不避忌大方留言回應： 「親愛的老公～八年不是把愛過成習慣，而是把習慣過成新的心動～結婚八周年快樂。」 
同時，佢哋亦上載咗一張寫有「Happy 8th Anniversary」嘅蛋糕相，以及一家四口一齊慶祝嘅合照。 選擇帶埋兩個女一齊過紀念日，放棄二人世界，睇嚟佢哋應該好享受家庭生活。 
而「城醒」嘅一眾圈中好友，包括鄭秀文、阿Sa、張繼聰等等，都紛紛留言送上祝賀。 事實上，郭富城向來寵妻，今年農曆新年更陪方媛返去安徽外家拜年。 當時網上流出多段片段，一家四口成為全村焦點，城醒亦喺鄉親重重包圍之下不停派利是。 
佢仲罕有咁同細佢2歲嘅岳父同框合照，真係家庭生活幸福滿瀉。 而喺城醒高調慶祝結婚8週年之際，佢嘅舊愛苟芸慧，今個月初就宣佈結束7年婚姻，真係幾唏噓。 
来源：清闲的精灵AdPfHBF
免责声明：本站系转载，并不代表本网赞同其观点和对其真实性负责。如涉及作品内容、版权和其它问题，请在30日内与本站联系，我们将在第一时间删除内容!