53岁视后无惧得罪人戏份少唔接，坐冷板櫈两年亲解“不脱无”原因

摘要：现年53岁的江美仪前年凭剧集《下流上车族》饰演车太一角勇夺“最佳女主角”荣升视后，但之后惨遭无线（TVB）冷待一直无剧拍。日前江美仪为杨绍鸿主持的YouTube频道节目《小鸿吹水站3》做嘉宾，透露无剧拍的日子会自我增值学带货及做YouTuber，至于坚持不“脱

现年53岁的江美仪前年凭剧集《下流上车族》饰演车太一角勇夺“最佳女主角”荣升视后，但之后惨遭无线（TVB）冷待一直无剧拍。日前江美仪为杨绍鸿主持的YouTube频道节目《小鸿吹水站3》做嘉宾，透露无剧拍的日子会自我增值学带货及做YouTuber，至于坚持不“脱无”（脱离无线）原因，她说：“唔会同钱斗气。”

江美仪喺《万千星辉颁奖礼2022》夺得视后。（ig@elenakongmayyee）

杨绍鸿邀请江美仪做嘉宾。（YouTube@Channel Gary Yeung）

江美仪表示做完“视后”确实没有“事后”，她说：“咁梗系唔开啦......真系事后，视后之后就冇嘢发生，你明唔明？！事前先有嘢发生，咁你事后冇嘢发生，差唔多年几两年，跟住就好静。”当被追问原因，她说：“唔知，我真系唔知。”江美仪一直不是TVB亲生女，更自爆合约条件会有“minimum charge（最低消费），她解释：“我比较麻烦嘅，我部头约系要计有几多个骚，如果叫我开工，一定要最少有几多个骚先。因为想有多啲发挥，唔想一个剧几集揾我，你应承你几集，但其实几个月都要留喺香港唔郁得。有时监制叫帮帮佢，但我都好绝情，如果开先例，咁等如无，唔想开先例。”

江美仪一直唔系TVB亲生女。（YouTube@Channel Gary Yeung）

原来签TVB拍剧有一个条件，唔够25个骚嘅工作唔接。（YouTube@Channel Gary Yeung）

杨绍鸿担心江美仪好易得罪监制，觉得不给予面子，江美仪继续解释说：“我行呢个合约嘅第一部剧，我系要25个骚，唔够佢话都照用我，咁如果我跟住应承其他人就对个唔公平，明唔明。我唔得罪，咁我得罪边个呢，咁不如全部都唔好，总之咁（适合条件）先开工，一来保障自己过足戏瘾，二来大家协议。”

江美仪笑言自己最近行“九运”，获TVB倾续约。她开心谓：“哈哈哈，又倾返签几部，依家都系部头约。”她表现在TVB经常与内地合作拍剧，她的演出既可在香港播出，又可以有内地市场，可谓双赢，她说：“你问我出面个市系咪咁好，真系唔系咁好，系好差！所以你唔可以同现实去斗气，唔可以同钱去斗气！好多人都话你脱无啦，出去闯，老实讲出面唔系真系咁好世界，风大雨大，既然offer到咁不如继续，又冇讲要我签亲生仔，照俾我部头我，拍完TVB剧又可以出去自由做嘢，对我嚟讲冇坏处，所以我系脱无失败！”