TVB力捧主持任晚宴司仪狂讚品牌对手，踩界言论遭炮轰：系咪有病

摘要：现年46岁的陆浩明（六号）自2012年从有线转投TVB后，随即成为力捧主持，除了台庆、港姐等大骚见到其身影外，亦黐住肥妈主持《食平D》系列，令他知名度大增，在TVB以外也获得不少大型活动、公司晚宴等的主持工作。但理应经验丰富的他，近日竟在周大福人寿举办的周年颁

现年46岁的陆浩明（六号）自2012年从有线转投TVB后，随即成为力捧主持，除了台庆、港姐等大骚见到其身影外，亦黐住肥妈主持《食平D》系列，令他知名度大增，在TVB以外也获得不少大型活动、公司晚宴等的主持工作。但理应经验丰富的他，近日竟在周大福人寿举办的周年颁奖典礼晚宴上，多次提及竞争对手名称，甚至无端端讲TVB有咩好，又自称“镜粉”，其“灾难式”表现遭网民长文狠批，“你系咪有病㗎”、“大佬你唔好咁黐线啦”。

陆浩明是TVB力捧司仪，近年台庆都有份参与。（IG@lukhoo）

陆浩明与肥妈合作主持了多辑《食平D系列》。（电视截图）

近日，有网民在Threads以“真系千祈唔好揾陆浩做主持”为题，发文：“如果你知道呢条友做主持有几咁失败，你绝对唔敢揾佢做主持”。该网民表示：“日前其早几日我个保险agent约咗我去周大福人寿食饭，呢条友做主持，开口埋口就苏黎世，你系咪有病㗎，苏黎世系隔离保险公司，你喺周大福人寿嘅地头，系咁讲隔离保险公司个名，系咁讲苏黎世几好，我知道佢讲紧瑞士苏黎世，但系都要避忌下啦。”

陆浩明在TVB以外也获得不少大型活动、公司晚宴等的主持工作。（IG@lukhoo）

更令发文者愕然的是，陆浩明在席间突然大谈TVB的优点，其后更自称是Mirror粉丝，提及ViuTV节目内容。但该集团与“开电视”（HOY TV）其实属同一老板，陆浩明却全程未提及，“然后我都算数，讲讲吓无啦啦讲TVB有咩好，咁我都明，佢TVB艺员，梗系揾机会赞吓TVB 。但系大佬你唔好咁黐线啦，周大福同开电视系同一班老板，喺度疯狂赞隔离电视台，玩嘢咩？”

陆浩明日前为周大福人寿举办的周年颁奖典礼担任司仪。（IG@lukhoo）

但其“灾难式”表现遭网民狠批。（IG@lukhoo）

发文者继续狠批：“都算啦，讲讲吓佢仲要话自己系Mirror fans，有听Mirror歌。我心谂你黐线未，Mirror大家都知系Viutv，佢赞晒TVB、ViuTV，一句开电视佢都唔讲。可唔可以唔好X咁做主持？成个行业都俾你称赞晒，你有冇留意自己出席紧边间公司嘅活动？”

陆浩明灾难式表现遭网民炮轰。（Threads截图）

贴文随即引起网民热议，有人好奇为什么品牌不找集团旗下Hoy TV艺人做司仪，反而邀请TVB艺人去做；但最大部分当然是狠批陆浩明不专业，纷纷留言：“听讲TVB入边啲人个个都叫佢做7号，你就知咩事”、“呢个人见高拜见低踩，白鸽眼到一个点”、“kamX一名，揾龟头Bob好过揾佢”、“呢的咪就系呃饭食，唔做功课”、“佢个脑值钱，90％新净”、“我睇字都觉得尴尬”；甚至揶揄他是：“跨媒体艺人嘅表现！”