摘要：得宠先生｜郑丹瑞狗拍档Little已离世「可以包着它部套戏就好」电影《得宠先生》由郑丹瑞、卢慧敏（AmyLo）、廖子妤、冯允谦主演，不过更重要的一位主角，就是狗狗演员Little，在戏中饰演「烧腩」。它以傻头傻脑的热情，融化了冷冰冰极臭脾气的佳叔（郑丹瑞饰）。

得宠先生｜郑丹瑞狗拍档Little已离世「可以包着它部套戏就好」电影《得宠先生》由郑丹瑞、卢慧敏（AmyLo）、廖子妤、冯允谦主演，不过更重要的一位主角，就是狗狗演员Little，在戏中饰演「烧腩」。它以傻头傻脑的热情，融化了冷冰冰极臭脾气的佳叔（郑丹瑞饰）。一个老人与狗的故事，令人感动。不过令人惋惜是电影在出鸣谢时，见到狗演员Little原来已经离世，只有6岁。早前旦哥接受《香港01》访问，就重温他与Little的温情点滴。

旦哥对狗敏感都愿意一试

虽然套戏要跟狗狗有大量相处情节，但原来旦哥本身是对狗敏感，只要接触到狗毛就会眼肿鼻肿眼水鼻涕一齐嚟，根本拍不到。原先想推辞不拍，但导演的坚持，加上经过狗只训练员的带领下，奇迹地全程冇事发生。郑丹瑞︰「其实只要接触完立即洗手，唔好摸眼耳口鼻就可以，只系拍到最后一幕，出现两只初生唐狗，因为未打针，又热情地舔我条颈，最后一幕才出现敏感，算是大幸。」

至于跟拍档Little的相处，为培养感情，拍摄前两个月已跟Little接触，一齐学习指令，过程都相当顺利。「我准备拍呢套戏前，身边啲损友都吓我，你拍狗呀？大制作喎，要准备5、6只替身，有只负责动作，有只负责特技，有只净系影个屁股……我话冇喎，得一只，最多系有几幕有只替身代跑，冇喇。」

最佳狗演员一Take过

跟小朋友同动物拍戏，预多两三倍时间是基本，对于一部小本制作来说是非常吃力，但旦哥大赞Little好似有性咁，完全交足功课唔使剧组超支。「佢好听话，我冇听过渠吠，又好似完全听得明导演要求，有一场戏讲我坐上小巴，渠自己追上嚟，导演同我讲︰『你要伸过头出去叫渠走，咁佢要慢慢退后。』我话你讲畀我听做咩？你讲畀只狗听嘛！」

事前讲几多次都冇用，试拍一次最实际。郑丹瑞︰「结果一拍，Little真系起势猛追，而当我伸个头出去挥手时，渠又真系识退后。全程好顺利拍晒，大家都好开心，导演都话正，话想嚟多个。点知Little已经自己走咗去，渠意思好似话你影到晒啦，冇OutFocus嘛，咁得啦，自己走咗去休息。」

郑丹瑞︰好想可以揽住渠去睇套戏

另一场更离谱，讲有只大狗死咗，导演要求旦哥拖住Little去撒骨灰，然后想Little好sad咁坐低，再闻一闻狗朋友，最后低头走开。旦哥一脸疑惑︰「你又同我讲？仲要低头走开？唔系嘛，你同我讲冇用喎！」结果到埋位正式时︰「走埋去、坐低、闻一闻、低头行开，做足喎！真系识听人话咁，然后导演又系话想拍多个，渠又走咗去食嘢，冇你咁好气。」

同旦哥经历了一段拍摄日子的好拍档Little，在电影拍完后一多两年，因为癌症走了，当时只得6岁。「大家都好唔开心，6岁其实系人类40岁左右，渠慨离开系好令人伤心，如果佢仲喺度，我好想今日可以揽住渠去睇呢套戏。」郑丹瑞说。

来源：末将龙殇