摘要：香港娛樂圈一直不乏「創新」，而最近出現嘅呢個男團，簡直堪稱一絕。

香港娛樂圈一直不乏「創新」，而最近出現嘅呢個男團，簡直堪稱一絕。

呢個名為「Hey Brother」嘅男團，平均年齡55歲。

由李思捷（50歲）、唐文龍（55歲）、麥長青（56歲）、黃智賢（57歲）同曹永廉（60歲）組成。

即係5個人加埋差唔多280歲。

● 「Hey兄弟」正式出道

日前「Hey兄弟」五位成員正正式式宣布出道，仲開埋記者會。

仲請嚟一班TVB高層、唱片公司老闆等人到場撐場。

佢哋更推出新歌《我為人人》。

「Hey Brother」五子表示，多年嚟陪伴大家成長，但未試過組成男團，希望趁後生試吓咁話。

，时长04:01

唔係啩，平均年齡55歲，你哋話「趁後生」？

好，我敬老，你哋贏。

既然佢哋咁有自信，都係一件好事。

諗深一層，其實佢哋真係可以名副其實，趁花甲之前挑戰新事物。

Brother即係兄弟，叫Hey兄弟，有啲拗口。

Brother嚟Brother去，都係佬啫。

既然佢哋咁有自信，叫Hey佬應該唔介意啩。

● 新歌正能量定係老尷

Hey Brother新歌《我為人人》MV中，五位成員載歌載舞。

唐文龍更加大談哲學：生活中，好多人覺得我哋為人，但誰為我？希望大家能調轉思維，要先為人，亦唔好忘記初心。

說話聽落幾有深度，但MV畫面中，每人鏡頭分佈唔係平均。

加上五子「大頭相」盡顯老態，搞到唔少網民直呼：7爆、好尷尬、首歌勁搞笑。

當然亦有網民力撐：幾位大叔唱得唔錯，有態度。

● 挑戰影壇，想與殿堂級樂隊合作

除咗唱歌，Hey Brother計劃年中進軍影壇。

李思捷更計畫親自操刀做埋電影監製。

同時，Hey Brother揚言希望同殿堂級樂隊溫拿合作。

又話對方係男團始祖，希望可以同譚詠麟合唱《千載不變》。

不過，講到而家香港咁多男團，李思捷就淡定表示：有邊隊加埋有280歲，所以佢哋唔會蝦啲細嘅。

● 追夢無分年齡，百貨應百客

從星爺嘅鹹魚夢想論嚟講，追夢的確無分年齡。

因為古乳有暈：百歲貨應百歲客。

而Hey Brother五位成員，個個都喺公仔箱出現多年，入晒屋，有觀眾基礎。

出年勁歌金曲頒獎禮，佢哋好有機會贏得兩個獎，金曲獎及組合金獎。

唔知點解，突然諗起黃家駒講過嘅：香港沒有樂壇，只有娛樂圈。

不過點講都好，要為Hey Brother嘅勇氣點讚。

来源：李七七