摘要：勢估唔到，網民即刻翻佢舊賬，話佢14年前「詐騙式宣傳」呃觀眾入場——

作為香港前三級星，外號「雷神」嘅日前喺社交平台放風話想復出。

勢估唔到，網民即刻翻佢舊賬，話佢14年前「詐騙式宣傳」呃觀眾入場——

點知齣戲仆街到爆，依家點解仲夠膽講復出！

現年41歲嘅雷凱欣，當年憑住好身材入行，22歲就拍咗人生第一齣三仔。

雖然雷凱欣演技麻麻，但勝在有身材搭救。

話說當時就被日本某廠商睇中，想重金請佢過去拍片。

要數到雷凱欣最威水嘅電影作品，肯定就係《3D某某團之極樂寶鑑》。

呢齣戲令雷凱欣紅到歐美等地，不過亦係佢滑鐵盧之作。

當時電影宣傳，包括佢親口所講，話戲中會有啲好好睇嘅畫面。

點知得2秒。

又因為當時《阿凡達》3D嘅興起，令觀眾對呢齣自稱係「香港首套3D三仔」格外期待。

點知係偽3D冇料到。

仲有，戲中雷凱欣一出聲就係男人配音，更自稱「老夫」。

而結局再嚟一個「番茄醬式大爆炸」嘅核突場面。

令無數觀眾睇到嬲爆兼反胃！

所以，雷凱欣有「雷神」稱號，真係實至名歸，雷人雷到一仆一碌。

所以就有日前佢話想復出，網民即刻留言負評，話佢欺騙觀眾之事。

事隔多年，呢個網民仲咁好火氣，睇嚟當時血肉模糊嘅陰影，真係大過撒哈拉沙漠。

雷凱欣成名之後，快速嫁咗畀有米老公，隨即息影做少奶奶，之後生咗個仔，變身賢妻良母。

前年佢出席公開活動時就透露，婚後冇工作，做緊全職媽媽。

對於復出，佢當時就指，如果有好角色都會願意，但囝囝唔想佢再行以前路線。

對於網民喺佢社交平台嘅留言質問，雷凱欣就帶大家遊花園。

佢話女神都可以有男嘅女嘅雙重性格，又話娛樂嘅嘢，無話呃唔呃。

被網民再次追問當時係咪假嘅時候，雷凱欣就繼續遊花園：似真又似假咁先好㗎嘛。

由網民心中嘅索爆女神，最後變成血腥笑話，又好難怪網民耿耿於懷到依家。

如果有適合嘅角色復出冇問題，甚至再呃觀眾買飛入場都得。

關鍵係，千祈唔好再玩重口味，唔好再嚇多觀眾一次。

半次都唔得。

来源：咩哞汪喵欧尼酱