摘要：罗家英、冯盈盈和关枫馨今日（7/3）现身将军澳电视城出席无线《饮茶》宣传造势活动。罗家英接受《香港01》访问时表示：“拍饮茶呢个节目开正我个瓣，因为我好钟意食嘢，同埋系古老人。其实饮茶系好好嘅文化嚟，因为可以见朋友，享天伦。每次我到酒楼一定会叫虾饺、烧卖、叉烧

罗家英、冯盈盈和关枫馨今日（7/3）现身将军澳电视城出席无线《饮茶》宣传造势活动。罗家英接受《香港01》访问时表示：“拍饮茶呢个节目开正我个瓣，因为我好钟意食嘢，同埋系古老人。其实饮茶系好好嘅文化嚟，因为可以见朋友，享天伦。每次我到酒楼一定会叫虾饺、烧卖、叉烧包同蛋挞呢4样嘢。阿姐（汪明荃）同我嘅口味差唔多，但佢唔食牛肉嘅食物，变咗有时我都会就佢唔叫，对我嚟讲系有啲食得唔过瘾㗎。（饮茶边个坐得耐啲？）我系坐得好耐个，但阿姐就要睇嚟凑啦，试过佢自己早走。”

罗家英、冯盈盈和关枫馨今日现身将军澳电视城出席无线《饮茶》宣传造势活动。（叶志明摄）

家英哥又指当知道同两位女神做节目，第一时间汇报给阿姐知道：“我同阿姐讲同冯盈盈做节目，阿姐第一句就话冯盈盈好多嘢讲，同埋好好身材。之后见到佢，我就由头望到落脚，心谂边度好身材，系咪阿姐呃我㗎？点解阿姐会话你好身材㗎？”冯盈盈接著说：“系因为我同阿姐好多时都喺台庆上合作，通常佢见到我都系着晚礼服嘅时候，而晚礼服系会突显身材，变咗身材系唔同啲嘅。而你见到我嘅时候主要都系普通便服，所以系会好唔同。”

罗家英唔觉冯盈盈好身材。（叶志明摄）

家英哥又提到同两位女神合作相当有火花，直指冯盈盈牙尖嘴利，经常抢台词：“唔应该讲嘅又讲啰，然后知讲错又会兜返啰。不过当中系有乐趣嘅。相反枫馨为人就比较谨慎，佢会听完你讲咩之后先会讲，系好稳阵种。”关枫馨笑言：“其实我嘅谨慎系对家英哥嘅尊重，因为我喺节目上都会叫佢做爷爷，点解会咁叫，系因为我爸爸同家英哥合作过，我爸爸做佢儿子，变咗我爸爸一直都会叫家英哥做爸爸，变咗我一直都会叫家英哥做爷爷。”

来源：粤睇先生