江嘉敏为HOY TV主持新节目，离巢无线接工作一脚踢：而家系辛苦嘅

摘要：江嘉敏今日（11/3）现身荃湾出席HOY TV节目《安居乐业》录影。对于离巢无线后，现身参与首个电视台节目主持工作，江嘉敏接受《香港01》访问时表示：“其实我觉得系需要时间去习惯，除咗幕前嘅工作之外，我有好多嘢都要自己做返，例如要同人夹期，同埋要谂著咩衫、整咩

江嘉敏今日（11/3）现身荃湾出席HOY TV节目《安居乐业》录影。对于离巢无线后，现身参与首个电视台节目主持工作，江嘉敏接受《香港01》访问时表示：“其实我觉得系需要时间去习惯，除咗幕前嘅工作之外，我有好多嘢都要自己做返，例如要同人夹期，同埋要谂著咩衫、整咩发型，虽然好简单，但呢啲嘢以前我系唔需要谂，只系交个人出嚟拍嘢就搞掂。变咗而家系辛苦嘅，但系好玩嘅。”

江嘉敏离巢无线后，迎接首个节目主持工作。（梁碧玲摄）

江嘉敏今日为HOY TV主持新节目。（梁碧玲摄）

被问现时是否要主动搲捞揾工作？江嘉敏表示：“我而家收到好多唔同嘅客户揾我，问我有冇兴趣，嚟紧我做主持之外，亦会参与舞台剧嘅演出，变咗比起以前只系单一拍剧，我系多咗好多唔同嘅嘢。今次我系2025年嘅新人，而家做嘅嘢系完全冇接触过。（谂返离巢嘅决定系正确？）每个阶段有想要嘅嘢都唔同，以前二十几岁想拍剧，一入就入咗9年。到而家三十岁，我想试吓唔同嘅嘢，因为以前试嘅嘢都好单一，咁而家就多元化啲，不过就好紧张，因为呢9年嚟系未做过。（无线有冇加人工留你？）阵时倾续约嘅时候冇倾过，只系同珍姐（曾励珍）佢哋倾人生嘅事情，佢都有话都三十岁，反问我除咗拍剧，仲有咩想做？其实我同佢哋系倾咗几次，咁所以半年前我已经谂打算，到最后就有咗呢个决定。”