摘要：林海峰（Jan）今日（23/3）到湾仔海滨参加《牛仔3K亲子跑2025》，不单止做起跑嘉宾，仲落场跑埋一份。赛后接受传媒访问，谈到“牛仔”是自己儿时的读物，多年后可以跟他一齐跑步好感动，又说介绍女儿睇的第一本书就是《牛仔》。
林海峰（Jan）今日（23/3）到湾仔海滨参加《牛仔3K亲子跑2025》，不单止做起跑嘉宾，仲落场跑埋一份。赛后接受传媒访问，谈到“牛仔”是自己儿时的读物，多年后可以跟他一齐跑步好感动，又说介绍女儿睇的第一本书就是《牛仔》。
林海峰（Jan）参加《牛仔3K亲子跑2025》，坦言跑到眼湿湿︰“冇谂过细细个睇嘅漫画角色，到大个时可以企喺牛仔隔篱出席一个活动，系好感动。”（许育民摄）
跑开马拉松的林海峰，问到完成3K赛事是否湿湿碎？“湿湿地啦，对眼。头先见到牛仔喺侧边可以同佢影相，冇谂过细细个睇嘅漫画角色，到大个时可以企喺牛仔隔篱出席一个活动，系好感动，系眼湿湿。王司马先生的作品，细细个已经睇，估唔到今日咁多大朋友带啲小朋友嚟，不过都系长者居多，下次应该唔好搞亲子跑，搞耆英组会再多啲人嚟。”
林海峰跑步期间，不少粉丝跟随拍片兼打卡。（许育民摄）
谈起亲子跑，Jan都有经验分享，他觉得起初同小朋友一齐跑步，都会觉得辛苦而拒绝，但你不知道她长大后某一日，会突然记起要做运动。“我估今日好多小朋友都会觉得好晒好辛苦，唔想再跑。但到佢大个咗会记起，细个曾经有日好好天，好多人跑嚟跑去，然后就会做番运动，呢个好似落种子咁，细个睇《牛仔》漫画都系落种子，好多琐碎事，屋企无聊事，但当中充满爱心。”
冲线之后，不少参赛者都前往合照。（许育民摄）
林海峰介绍给女儿看的第一本读物，就是《牛仔》。（许育民摄）
问到林海峰跟女儿最难忘的亲子活动，他又搞笑地表示是逢星期日的拗撬日。“每到星期日晚上都会反问自己︰‘点解搞成咁？星期一要做好啲先。’但下星期只会不断重复。过来人会同新手父母讲放过佢啦，但一到做功课、考试，家长都想达到一定标准，但小朋友永远都有第二个标准。”
所以Jan透露最佳的亲子时间就是在车上。“最好的亲子活动，系我揸车时，因为大家冇机会面对面，佢好似当同的士司机倾偈咁，你会发觉同陌生人或者对住个背脊倾偈系最好倾，正面倾系倾唔到，所以散步、行山、跑步都得，大家有段距离你问佢最近啲功课点，佢就会答你。总之大家唔好见到大家，面对面反而讲唔到。”
来源：粤睇先生