羅志祥母親患阿茲海默症望母親健康願代記著回憶

摘要：小豬羅志祥係圈中出名嘅孝順仔，一直都疼錫媽咪，亦不時見佢喺社交平台分享同媽咪嘅開心日常生活。但小豬近日面對一件困擾嘅事，就係媽媽患上阿茲海默症。原本冇打算公開事件嘅小豬指，過去兩三年慢慢發現朋友同媽媽相處後，覺得傾談時有啲奇怪，例如重複講同樣話題，每一日都

小豬羅志祥係圈中出名嘅孝順仔，一直都疼錫媽咪，亦不時見佢喺社交平台分享同媽咪嘅開心日常生活。但小豬近日面對一件困擾嘅事，就係媽媽患上阿茲海默症。原本冇打算公開事件嘅小豬指，過去兩三年慢慢發現朋友同媽媽相處後，覺得傾談時有啲奇怪，例如重複講同樣話題，每一日都好似被按重新開始鍵，對所有人、事、物都像第一次認識一樣。

不過，小豬又指有時帶媽媽去從未去過嘅地方，佢又會開心話「這裡我以前來過耶」，甚至會分享當時發生嘅事。佢就會選擇靜靜聆聽，默默陪伴媽咪，陪媽媽走完腦海中嗰一幅畫面。小豬亦講到一家三口最後一次去旅行嘅地方夏威夷，嗰一段嘅回應能令媽媽有稍微激動同感覺，希望呢段回憶能夠留喺媽媽腦海耐一啲。

小豬對公開媽媽嘅病情似係鬆一口氣，因為以後唔需要再亂講理由替媽媽解釋。佢感激大家嘅關心，並且同大家講「如果下次有機會遇見我媽媽，請你們一樣熱情地跟她打聲招呼，陪她聊聊天，她一定會很開心。但如果有什麼情況下，她不小心給你們帶來困擾，對不起，也請多多包涵，因為她真的不是故意的。」最後小豬指自己唯一心願，係希望媽媽健康開心生活，至於記憶同回憶就交畀佢幫媽媽記著。