前TVB男星因太太离世拒再拍剧：佢睇唔到，拍嚟做咩？

摘要：黄日华近年已甚少拍剧，多数只是在明星足球队活动见到他，不过近日他就罕有受访，接受好友李珊珊的网台三坐山 Mount Trio节目访问。黄日华向来是圈中爱妻号，讲到其太太梁洁华5年前因病离世，黄日华跌落人生谷底，曾经胡思乱想；而忆起好兄弟苗侨伟（三哥）日日陪伴他

黄日华近年已甚少拍剧，多数只是在明星足球队活动见到他，不过近日他就罕有受访，接受好友李珊珊的网台三坐山 Mount Trio节目访问。黄日华向来是圈中爱妻号，讲到其太太梁洁华5年前因病离世，黄日华跌落人生谷底，曾经胡思乱想；而忆起好兄弟苗侨伟（三哥）日日陪伴他、使他振作，他更讲到落下男儿泪。

黄日华接受好友李珊珊访问。（IG@13leesansan）

节目开初，李珊珊先讲到与华哥的渊源，二人其实在TVB冇合作过，但珊珊记得自己18岁刚入行时初见对方的经历：“我经过canteen，华哥拍紧《O记实录》，第二季，突然间叫我，知我啱啱入行，讲咗句说话，我记到今日！（黄日华：我唔记得咗）我记得，你话‘千祈唔好信任何人呀！’”华哥语重心长教珊珊要学识保护自己，认为这是前辈该做的，他又说：“点解我讲呢句说话？因为我濑嘢多，经验之谈。”

黄日华初见李珊珊，就叮嘱她“千祈唔好信任何人呀！”（YouTube@三坐山 Mount Trio）

珊珊指华哥是滴酒不沾的，即使大家一齐唱卡啦OK，都从未见过黄日华饮酒，华哥解释：“从来唔饮酒，因为以前住屋邨见到好多人饮醉酒，搞到家嘈屋闭，又打老婆，要跳楼要生要死，所以由细个开始见到啲人饮醉酒就好憎，所以由细个开始我就话俾自己听，我唔钟意饮酒，到而家都系。”他更表示自己未试过醉，若有人叫他饮酒他会反面，即使工作应酬都一样。

黄日华原来滴酒不沾，非常自律。（YouTube@三坐山 Mount Trio）

讲到入行以来最敬重的前辈，华哥二话不说就答：“虾叔！关海山！”黄日华第一套担正的剧集《过客》便与虾叔合作，对方教他如何做功课、写笔记、讲解哪场戏连戏，帮他分析角色，对他帮助很大，他认为非常难得。而另一位则是郑裕玲（Do姐），虽然Do姐只大他四年，但华哥初入行已见识到Do姐霸气一面，“DoDo姐一开厂就闹我，佢话‘你拎住咩嚟？’‘剧本啰。’‘剧本拎入厂㗎咩？剧本返屋企睇㗎嘛！你睇晒啲剧本，记晒啲台词先返工吖嘛！’跟住一手将个剧本掉咗佢，‘听日开始唔准带剧本开工！唔好阻住我哋收工！’”华哥觉得这是好事，因为做演员事前一定要有充足准备、记好所有剧本，大家合作起来会快手好多，所以他之后都逼自己夹硬记都要记。

黄日华与郑裕玲拍《过客》时，被对方闹他带剧本入厂。（TVB）

华哥又回应自己“剪脷筋”的传闻，他曾试过因为讲对白太急太“Lur”被导演开咪闹，也被人质疑是否黐脷筋，他感到很羞耻，想揾窿捐，又说：“有一日放假同太太行街，经过医务所，医务所喺上面，佢哋话我黐脷筋，而家冇嘢做，不如上去剪咗佢，咁就真系走咗上去，揾个医生剪咗佢。（李珊珊：真系有用？）我觉得帮助唔系好大，但又唔会话真系好痛。”虽然华哥做足功课，不过他说自己其实并不特别喜欢演戏，纯粹当是一份工，“既然有工作，每一个剧集我都要尽我能力做到最好，我唔系咁钟意演戏，我冇戏瘾，始终当系一份工作，由入行到而家都当呢个系一份工作，唔会当自己系咩大明星。”

珊珊大赞华哥即使不爱演戏，但演技都非常好，更表示：“如果一早有视帝，你最少攞六次！”华哥亦很坦率大方回应：“如果我哋个年代真系有啲咁嘅颁奖礼，咩飞跃进步奖呀，男主角呀，我攞晒啊应该，大满贯呀！”回顾他的经典作品《香城浪子》、《义不容情》、《马场大亨》、《天地豪情》、《杨家将》，华哥坦言最爱是《马场大亨》，翻看了好几遍。

众多作品中，黄日华最爱《马场大亨》。（TVB）

珊珊又问到华哥的初恋和情史，华哥入行半年已跟梁洁华拍拖，1988年结婚，而华哥亦是圈中出名的好老公，讲到太太生前曾患急性骨髓性白血病，人生最后阶段华哥担好照顾者角色，全天候照顾，珊珊直言有句话叫“久病床前无孝子”，问他当时要如何排解情绪，华哥说：“唔好谂咁多嘢，你做一个照顾者就要全天候，全心全意为佢，我时所有朋友都唔约，擘大眼起身就去医院，返屋企瞓一阵又去医院陪住佢。唔好谂太负面嘅嘢，尽量畀多啲正能量佢、氹吓佢，唔好谂自己先，系辛苦嘅，系压力，个感觉系唔好受，唔好谂！向好方面谂。”他又深情表示：“佢始终系我老婆嚟，我觉得有事发生嘅时候你一定要面对。”、“你做人老公，你爱锡佢，系你拣返嚟㗎嘛呢样嘢。”实在令人相当感动，珊珊也大赞他是好男人。

讲到照顾老婆至她病逝，黄日华深情表示：“佢始终系我老婆嚟，我觉得有事发生嘅时候你一定要面对。”、“你做人老公，你爱锡佢，系你拣返嚟㗎嘛呢样嘢。”（微博@黄日华）

华哥指自己只是面对现实，因为一定要做，不可能放弃，“去到最尾几日我知系咩结果，医生都同我讲晒系咩结果，你都要接受，等自己心情平复啲，去接受呢个事实。”当珊珊问他花了多少时间平复心情，华哥忆述：“做好晒所有后事之后，一个人喺自己间房又开始会谂，点解会咁样？点解个天要咁对我，唔畀一个好嘅结局？佢有讲过，佢好想退休之后，大家孭住个背囊环游世界，觉得好开心，我好想做呢件事。但系点解我做唔到？我喺度谂，我都算系一个好人，点解要畀咁嘅结果我？时开始你唔需要照顾人呀嘛，好多时间喺度谂嘢，胡思乱想，有比较差嘅心情。到个几两个月，三哥一路keep住揾我，‘喂，出去饮茶！唔好成日匿埋喺屋企！嚟我屋企食饭！我哋去打波、倾吓偈。’多得三哥三嫂⋯⋯⋯”

华哥坦言太太后曾胡思乱想，因无法完成对方环游世界的梦想，难过表示：“我好想做呢件事。但系点解我做唔到？我喺度谂，我都算系一个好人，点解要畀咁嘅结果我？”（YouTube@三坐山 Mount Trio）

讲到这里，华哥再也止不住眼泪，他停了一会，哽咽说：“佢将我喺一个最最最低嘅情况，最低嘅谷底拉返起上嚟，真系要好多谢佢。”华哥直言自己与三哥性格其实很不一样，一动一静，又奇怪地成为到很好的朋友，可能大家一齐入行、一齐挨过、一齐成名，成为了好兄弟，所以对方在他丧妻期间抛开一切，每日陪伴开解，使他振作，他是真的非常感激。

黄日华忆起好兄弟苗侨伟拉自己出谷底，落下男儿泪：“佢将我喺一个最最最低嘅情况，最低嘅谷底拉返起上嚟，真系要好多谢佢。”（YouTube@三坐山 Mount Trio）

黄日华与苗侨伟一齐入行、一齐上位，兄弟情深。（VCG）

2010年，黄日华都因为应三哥邀请才回去TVB拍《刑警》。（VCG）

珊珊相当感动，且一时之间都反应不过来，不过她认为学习如何活下去都是很深的学问，华哥便说：“而家谂返转头，其实谂嚟无谓，事情发生咗，个结局摆咗面前都要承受，心情慢慢慢慢执返好佢，而家都冇嘢，习惯咗。唔开心始终都会有，因为你会谂返起，我觉得系尽量忘记以前啲嘢，（珊珊：阿女喺度又系好好原因支持落去。）系，太太冇咗，起码都要照顾个女，照顾佢屋企人，好啲，唔会话得返一个人，如果得返一个人就好危险，分分钟自己去埋。”

黄日华指，自己已经习惯了太太不在，因为事情发生了就只好面对。（微博@黄日华）

黄日华说，幸好自己还有女儿，二人现时仍然同住，他会为了黄芷晴支持下去。（IG@wongadrian）

珊珊又问到，为什么华哥已没有再拍戏，华哥直言是因为已痛失头号Fans——太太，梁洁华会看齐每一部他的作品，畀很多意见，赞他哪些位做得好、哪些做得不好，“佢做戏虽然唔系话好叻，但系佢睇戏分析能力好高，所以我先有进步。”他续道：“佢走咗，又睇唔到我嘅戏，我做嘅嘢，冇人畀到意见我，我心谂，我做嚟做咩啫？冇人睇，佢都唔会再睇到。”此外，如上文所讲华哥戏瘾不大，经济现时又没有压力，所以不如休息吓，又大爆即使好友刘德华邀他拍戏，他都推却了。